Елбасының «Болашаққа бағдар: рухани жаңғыру» бағдарламалық мақаласын іске асыру шеңберінде ұйымдастырылған  2018 жылғы археологиялық маусымның жабылуы және Павлодар облысы киелі жерлері бойынша экспедициясының қорытындысын шығарылды.

Жабылу салтанатын Павлодар мемлекеттік педагогикалық университеті мен Margulan Centre археолоиялық орталығы ұйымдастырды.

 «Болашаққа бағдар: рухани жаңғыру» бағдарламалық мақаласының 1  жылдығына орай  және «Павлодар Ертіс өңірінің киелі ескерткіштер картасы» жобасын  іске асыру  шеңберінде  Павлодар  қаласы жоғары оқу орындарының, колледждерінің, білім беру мектептерінің оқушылары 2018 жылдың 19 сәуір күнінен бастап тарихи-археологиялық экспедицияға аттанған болатын.

Бұл шара барысында «Жасыл ел» археологиялық жасағы құрылып, өңіріміздің жас зерттеушілері «Алтын  төбе» сақ қорғандары мен Қимақ қағанаты қорымдарының құпияларын  ашуға ат салысты, Margulan Centre археологиялық қазбаларына қатысып, Баянауылдың тарихи жерлеріне барды.

Шара барысында белсенділік танытқан Павлодар қаласының мектептері мен колледждері және олардың оқушылары мен белсенді студенттері марапатталады. Жүргізілген жұмыстың қорытындысы ретінде «Павлодар Ертіс өңірі киелі жерлеріне экспедиция» атты видеоролик көрсетіліп, шараның негізгі атрибуты – археологиялық жұмыстың «Күнделігі» ПМПУ Margulan Centre-іне беріледі.